Sem betur fer fyrir foreldrana!! Minn maður var svo lítill í sér í gærmorgun og um hádegið þegar hitinn hækkaði aftur, fer alveg með litla móðurhjartað að sjá barnið sitt svona, sérstaklega þennan fjörkálf!!!
En hann svaf þetta allt úr sér. Svaf frá hálf eitt til hálf fimm.... ég var bara í fríi í gær!!! Og þegar hann vaknaði var hann svo sprækur, borðaði eins og hestur og var í fullu fjöri, tætti og tryllti að vanda. Hann var svo sprækur eftir allan þennan svefn að hann var ekkert á því að fara að sofa á venjulegum tíma í gærkvöldi, sofnaði að verða 10... enda var sofið út í dag. Allir vöknuðu ekki fyrr en 9!!!
Núna er hann hitalaus og alveg eins og hann á sér að vera. Búinn að dreifa seriosi og múslí um allt eldhúsgólfið í morgun og taka til í hillunum. Núna rétt áðan tók hann sig til og reyndi að standa sjálfur. Stóð upp við einn stólinn hérna í tölvuherberginu og sleppti svo báðum höndum. En jafnvægið er ekki alveg komið en minn maður náði að grípa aftur í stólinn. Ákvað samt að skæla svolítið.
Ég ákvað samt að við mæðginin verðum heima í dag, vera ekkert á þvælingi svo stubbaling slái ekki niður... því miður fyrir mig en maður leggur ýmislegt á sig! Erum bara að jólast í staðin. Sat í gær við að pakka inn jólagjöfum, föndra merkimiða og spila jólalög. Kannski við tökum til við meiri jólabakstur í dag....
Gerast áskrifandi að:
Birta ummæli (Atom)
Engin ummæli:
Skrifa ummæli